كشفت الفنانة هنا الزاهد عن تفاصيل مثيرة في زواجها من الفنان أحمد فهمي وطلاقها منه مؤكدة أن الأمر لم يأتي بشكل مفاجئ لكن سبقته أحداث كثيرة جعلتها مؤهلة لفكرة الطلاق، موضحة خلاصة تجربة طلاقها، ودروسها التي استفادت بها من هذه التجربة.

قالت هنا خلال استضافتها في برنامج "صاحبة السعادة" مع الفنانة إسعاد يونس: "الزواج بالنسبة لي، لا أستطيع أن أتخيل شيء فيه اسمه طلاق، عمري ما أتخيله، أنا حساسة جدًا، ولو كان الطلاق تم بشكل فُجائي كنت هتعب، لكن ربنا مهدها لي بثمانية شهور، أنا شخص روتيني، لا أحب تغيير نمط حياتي، ماينفعش الحياة مرة واحدة تختلف، ولو رجع بي الزمن، مش هقول لأ، هدخل التجربة دي وأتعلم منها".
وتابعت: "رسمت عن الزواج صورة مثالية وفراشات وأسرة وأبناء، أنا أحب الأطفال جدًا، لكن الواقع لم يكن بهذا الشكل نهائياً، الواقع كان عكس ما توقعته وحلمت به، وفي الآخر قسمة ونصيب، الحياة كلها صعود وهبوط ومش أي حد تصدقيه ومش أي حد تدخليه بيتك، ماتبقيش ماشية بعبط، عشان دايما بحس إن اللي قدامي هيتصرف زيي، لحد ما يثبت العكس، وكنت بحكي أوي عن اللي بيحصل بحسن نية، بس اللي قدامي مكنش كده".

وأضافت هنا الزاهد: واكتشفت إن الزواج ليس رجلاً وامرأة فقط، دي عيلة، بعد كده بقيت أفكر أنا بعد كده أبص للعيلة، مافيش حاجة لوحدك، في اتنين بيحبوا يقفلوا الدنيا على بعض وفي ناس بيخلوها سداح مداح، أنا بحب الدنيا تبقى متقفلة، أه طبعا لما يبقى في حد في حياتي هحترم أهله أوي، بس ما يبقاش التدخلات زيادة، أحب البيت يبقى مقفول علينا".